Блог | Гожъяськы шонер!

Удмуртская клавиатура, раскладка и шрифты

Милемлы 5 ар

5 ар талэсь азьло кылдытэмын вал та проект. Та дыр куспын вал трос воштӥськонъёс. Программаос весь воштӥсько но выльдӥсько. Соин ми удмурт программаосын UdmurtPackage керттэтмес выльдытӥм.

Лыдӟыны

Дышетӥськом удмурт кылэз андроид клавиатура пыр

Тросэз вераськоназы ӟуч кылъёсты пырто. Мон отысь номыр аламазэ уг адӟиськы, малы ке шуоно со милям "анай" кылмы (суро-пожо ке но), ми со кылэн ӵош будэмын. Но та нокызьы но уг чеберма, уг юртты удмурт кыллы улыны, азинскыны. Удмурт кылэз утемед потэ ке, чебер удмурт кылын вераськыны турттоно.

Лыдӟыны

Кызьы андроидлы удмурт клавиатураын кылъёсты автоматом медаз тупатъя

Тросэзлэн, кин гожъяське андроидаз удмурт клавиатураен, таӵе юан кылдэ: "Кызьы кароно озьы, медаз программа ачиз тупатысал тодымтэ кылъёсты, кудъёсыз кыллюкамын ӧвӧл (кылъёсты люкан бордын уж мынэ)?".

Лыдӟыны

Кызьы медак шонер? КӧняТӤез яке КӧняЕТӤез?

Шонергожъян кыллюкам лэсьтыкум кылдыло трос юанъёс, кызьы медак со кыл шонер гожтӥське? Мон ачим филолог ӧвӧл бере, кулэ луылэ юалляськыны. Юанъёслы валэктон утчасько книгаосысь, эшъёсыным герӟаськисько яке лэсьтӥсько юалляськон (опрос) ВКонтакте вотэсбамын. Одӥгез со юанъёс пӧлысь вал таӵе: Кызьы шонер гожтӥське, КӧняТӤез яке КӧняЕТӤез? Со юалляськон сярысь умойгес тодыны быгатоды татысь: http://vkontakte.ru/wall9432582_1272. 7 адями 12 пӧлысь малпало шонер

КӧняТӤез кыл шуыса. Нош витез малпало шонер КӧняЕТӤез луоз шуыса. Удмурт-ӟуч кыллюкамын (2008 ар), Электрокыллюкамын но гожтэмын КӧняЕТӤез кыл, КӧняТӤез кыл отын воксё ӧвӧл. Нош Лилия Кондратьева таӵе валэктон сётӥз: “-этӥ/-етӥ порядковый числительный шуса возьматэ. тазьы люкыны луоз: кӧня-етӥ-ез”. Соин ик, мон малпамъя, шонер кыл луоз “КӧняЕТӤез“. Озьыен тросэз уг тодо кызьы со кыл шонер гожтӥське.

Лыдӟыны

Удмурт шонергожъян табере QIP’ын но ужа!

Потӥз выль QIP 2012! Мар отын вылез? Умойгес тодыны выль QIP сярысь быгатоды татын: http://qip.ru/download_qip_2012. Нош мон верало маиз мыным отын тужгес но кельшиз.

Выль QIP’ын табере вань аслаз шонергожъян системаез, кудӥз ужа Hunspell кыллюкам вылын. Соин ик табере QIP программае пуктыны луоз удмурт шонергожъян, мукет сямен вераса аськаын (отын гинэ ӧвӧл) гожъяськыкуды янгышъёс горд пусэн пусйиськылозы! Дырысь дыре мон гожто кызьы сое пуктыны луоз, пырто берпуметӥ UdmurtPackage керттэтлэн версияз.

Лыдӟыны

Ӟечбуресь!

Ура! Кызьы ке но озьы кылдӥз та вотэсбам(сайт). Та вотэсбамын Тӥ зэмзэ но шонер гожъяськыны дышоды. Татын мон верало кыӵе программаос пуктылыны кулэ асьтэлэн компьютерады удмурт сямен шонер мед гожъяськоды шуыса. Кыӵе со программаос? Нырысь ик со UdmurtPackage. UdmurtPackage – программа-установщик, татчы люкамын пӧртэмлыко программаос. Отчы пыро удмурт раскладка, шрифтъёс, удмурт правописание, Электрокыллюкам но мукетъёсыз. Удмурт раскладка пуктыса тӥ быгатоды удмурт букваосты гожъяны: ӧ ӝ ӵ ӥ ӟ. Кызьы тододы берлогес. Удмурт правописание чакла шонер гожъяськоды-а тӥ удмурт кылъёсты. Таӵе правописание чаклась системаосты адӟылэмды вань ини дыр ӟуч кылын гожъяськыкуды. Озьы ик кулэ луэмъя пуктӥсько шрифтъёс, кудъёсаз вань удмурт аффрикатаос.

Нимаз вераны кулэ удмурт правописание сярысь. Та проект выль ай, соин ик татын пумиськыло пӧртэмлыко янгышъёс. Со янгышъёсты пумен быдтыны туртто.

Лыдӟыны