Гожъяськы шонер!

Удмуртская клавиатура, раскладка и шрифты

Дышетӥськом удмурт кылэз андроид клавиатура пыр

Тросэз вераськоназы ӟуч кылъёсты пырто. Мон отысь номыр аламазэ уг адӟиськы, малы ке шуоно со милям "анай" кылмы (суро-пожо ке но), ми со кылэн ӵош будэмын. Но та нокызьы но уг чеберма, уг юртты удмурт кыллы улыны, азинскыны. Удмурт кылэз утемед потэ ке, чебер удмурт кылын вераськыны турттоно.

Андроидлы удмурт клавиатуралэн вань одӥг умой быгатонлыкез: со аббревиатураосты, вакчиятэмъёсты валаны быгатэ. Мукет сямен вераса, таӵе чур "мкш → малы ке шуоно" клавиатурае ватсамы ке, "мкш" гожтыкумы, удмурт клавиатура сое "малы ке шуыса" кылъёслы тупатоз. Озьы ик, кылсярысь, таӵе чур "июле → пӧсьтолэзе" ватсамы ке, "июле" гожтыкумы клавиатура сое "пӧсьтолэзе" кыллы тупатыны турттоз. Кста, улмо аппаратъёсын но луэ сыӵе кылъёсты ватсалляны (Настройки→Основные→Клавиатура→Новое сокращение). Табере суредъёсын пыр-поч валэктыны туртто:

1. Нырысь ик пыриськом AnySoftKeyboard программалэн настройкаосаз

2. Менюзэ усьтӥськом но отысь "Специальные словари" гожтэмзэ шедьтӥськом

3. «Abbreviation editor» вылэ зӥбиськом

4. Удмурт кыллюкамез бырйиськом

5. Татын асьмелэсь кылъёсмес ватсаськом. Кылсярысь, таӵе чур ватсалом: июле → пӧсьтолэзе

6. Табере «июле» гожтыкумы ватсэт со кылэз «пӧсьтолэзе» кыллы воштыны медоз