Гожъяськы шонер!

Удмуртская клавиатура, раскладка и шрифты

Пуктӥськом QIP 2012 программае удмурт-ӟуч шонергожъян

Азьло статьяям гожтӥ вал QIP 2012 программае удмурт-ӟуч шонергожъян пуктыны луонлык сярысь. Нош табере мон гожто кызьы сое пуктоно.

Нырысь ик Тӥледлы кулэ луоз скачатьтыны но пуктыны QIP 2012 программаез: http://qip.ru/download_qip_2012. Кызьы сое пуктыны мон уг гожъя ни, пуктоно огшоры, “Далее-далее” методэн.

Собере пуктӥськом асьмелы UdmurtPackage берпуметӥ версизэ 1.05: http://downloads.udmspell.ru/udmurtpackage.exe. Пуктыны сое туж каньыл, “Далее-далее” зӥбылыса, но куке вуиськоды “Выбор компонентов” баме одно пус пуктыны кулэ “для QIP 2012″ вадьсы:

UdmurtPackage программаез пуктэм бере, лэзиськом QIP 2012. Сое лэзем бере пыриськом QIP’лэн настройкаосаз:

Усьтӥськем укноын шедьтӥськом “Сообщения” люкемез, отысен зӥбиськом “Настройки проверки правописания” борды:

Собере пуктӥськом пус “Включить проверку правописания” вадьсы но бырйиськом милесьтым удмурт-ӟуч шонергожъян кыллюкаммес:

Зӥбиськом “ОК” и все! Ваньмыз ОК табере луыны кулэ!) Табере QIP’ын ӟуч сямен яке удмурт сямен гожъяськыкуды янгышен гожтэм кылъёсты ултӥз горд гожен пусйиськыны кулэ. Озьы ик пусъем кыл борды шырлэн бур кнопкаеныз зӥбыса пото луонлыко кылъёс.

Сак кариське эшъёстылы “ӝӧӟӥӵ” букваосты гожъякуды, малы ке шуоно со букваос котькытын уг адӟытӥсько, соос интые “квадратикъёс” потало. “Квадратикъёс” потало таӵе программаосын: QIP 2005 (ваньмаз), QIP 2010 (Windows XP). Озьы ик эшты телефонысен пуке ке аськаын, солы тоже квадратикъёс вуылозы. Но сое но луэ тупатыны, телефонэ удмурт шрифтъёс пуктыса (Nokia смартфонъёсын ужа), кудӥз сярысь куке но тоже гожто дыр ай))